3.У якасці асацыяцыі або сеткі органаў мясцовага самакіравання

Хто мае права ўдзелу?

Сеткі і асацыяцыі мясцовых і абласных уладаў маюць права ўдзелу у якасці прыхільнікаў Пагаднення. Такім чынам, яны ў значнай меры садзейнічаюць прасоўванню Пагаднення мэраў сярод сваіх членаў, праводзячы іх праз увесь працэс падпісання Пагаднення.

У чым заключаюцца іх абавязкі?

Сеткі і асацыяцыі мясцовых органаў самакіравання, якія далучыліся ў якасці прыхільнікаў Пагаднення, афіцыйна абавязваюцца:

• Прасоўваць Пагадненне мэраў і аказваць падтрымку тым, хто імкнецца да падпісання дакумента;
• Публічна прызнаць Пагадненне мэраў ключавым элементам сваіх палітык;
• Палягчаць абмен вопытам паміж мэрамі, якія падпісалі Пагадненне, і гарадамі-кандыдатамі;
• Забяспечваць ролю пасрэдніка паміж сваімі членамі, CoMO і нацыянальнымі / абласнымі СМІ;
• Вызначаць сінэргіі паміж адпаведнымі мерапрыемствамі і ініцыятывамі на нацыянальным / абласным узроўнях;
• Забеспячваць рэгулярную зваротную сувязь са сваімі членамі пасля іх далучэння да Пагаднення мэраў.

У выпадку бяздзейнасці або невыканання сваіх абавязацельстваў на належным узроўні Еўрапейская камісія пакідае за сабой права прыпыніць удзел сеткі ў якасці прыхільніка Пагаднення.

Як падаць заяўку для ўдзелу?

Для атрымання статуса Прыхільніка Пагаднення мясцовыя органы самакіравання павінны зрабіць наступныя крокі:

• Запоўніць ан-лайн-форму з пацвярджэннем сваёй зацікаўленасці;
• Пасля пацвярджэння права ўдзелу запоўніць Пагадненне, якое будзе падпісана Еўрапейскай камісіяй;
• Пасля падпісання Пагаднення абодвума бакамі неабходна абнавіць нядаўна створаны ан-лайн- профіль, унесці ўсебаковую інфармацыю пра паслугі і падтрымку, якія яны гатовы прадстаўляць мэрам.

Для чаго патрэбны ўдзел?

Прыхільнікі Пагаднення атрымліваюць дадатковыя магчымасці, менавіта:

• Прасоўваць найлепшыя практыкі сваіх членаў;
• Суправаджаць дзейнасць сваіх членаў па ўстойлівай энергіі як мага лепш;
• Дэманстраваць свае паслугі шырокай аўдыторыі;
• Абменьвацца вопытам з іншымі сеткамі і ўступаць у новыя партнёрствы;
• Атрымліваць перавагі ад падтрымкі і прызнання з боку Еўрапейскай камісіі;
• Атрымліваць прызнанне на міжнародным узроўні, дзякуючы найбуйнейшым мерапрыемствам, якія арганізуюцца ў сувязі з Пагадненнем;
• Узмацняць ці павялічваць сваё членства;
• Удзельнічаць у спецыяльных форумах, семінарах і дыскусійных групах.