У якасці вобласці або раёна

Хто мае права ўдзелу?

Вобласці, раёны, пасёлкі гарадскога тыпу, сельсаветы ... Любыя органы ўлады, прымаючыя на сябе афіцыйныя абавязацельствы па прадстаўленні стратэгічнага кіраўніцтва, фінансавай і тэхнічнай дапамогі мэрам, што падпісалі пагадненне, будуць афіцыйна прызнаныя Еўрапейскай камісіяй у якасці каардынатараў Пагаднення.

У той час, як вышэй згаданыя ўстановы ўдзельнічаюць у якасці «тэрытарыяльных каардынатараў», улады на нацыянальным узроўні, напрыклад, міністэрствы і агенцтвы па энергетыцы, могуць прымаць удзел у якасці «нацыянальных каардынатараў».

Мясцовыя і абласныя агенцтвы па энергетыцы не маюць права непасрэднага ўдзелу, аднак, яны часта прызначаюцца органамі ўлады для аказання падтрымкі муніцыпалітэтам ад іх імя. У связі з тым, што іх удзел надзвычай важны для поспеху ініцыятывы, іх ініцыятыва па далучэнні іх вобласці або раёна заахвочваецца.

Якія абавязкі яны нясуць?

• Прасоўваць Пагадненне мэраў сярод муніцыпалітэтаў на сваёй тэрыторыі і аказваць падтрымку і каардынацыю паміж муніцыпалітэтамі, якія падпісалі Пагадненне;
• Прадстаўляць тэхнічную і стратэгічную дапамогу муніцыпалітэтам, якія жадаюць далучыцца да Пагаднення, але не валодаюць дастатковымі рэсурсамі для падрыхтоўкі Плана дзеянняў па ўстойлівай энергіі;
• Аказваць фінансавую падтрымку і прадстаўляць магчымасці муніцыпалітэтам з мэтай распрацоўкі і ўкаранення Плана дзеянняў па ўстойлівай энергіі;
• Аказваць дапамогу ў правядзенні Дзён мясцовай энергіі для павышэння свядомасці;
• Рэгулярна даваць справаздачу перад Камісіяй пра атрыманыя вынікі, ўдзельнічаць у стратэгічных мерапрыемствах Пагаднення.

У выпадку бяздзейнасці або невыканання сваіх абавязацельстваў, Еўрапейская камісія пакідае за сабой права спыніць удзел вобласці або раёна ў якасці каардынатара Пагаднення.

Як падаць заяўку для ўдзелу?

Грамадская адміністрацыя, зацікаўленая ў атрыманні статусу Каардынатара Пагаднення, павінна прайсці наступны працэс:

• Запоўніць он-лайн-форму, якая пацвярджае зацікаўленасць;
• Пасля пацвярджэння права на ўдзел, запоўніць форму згоды, якая таксама будзе падпісана Еўрапейскай камісіяй;
• Пасля падпісання Пагаднення абодвума бакамі абнавіць нядаўна створаны ан-лайн-профіль: унесці ўсебаковую інфармацыю пра паслугі і падтрымку, якія гатовы прадстаўляць мэрам.

Для чаго патрэбны удзел?

• Уклад у нацыянальную стратэгію па пытаннях энергетычных, эканамічных, сацыяльных і кліматычных змяненняў.
• Шматбаковыя перавагі каардынатара Пагаднення:
• Падтрымка і прызнанне з боку Еўрапейскай камісіі;
• Удзел на міжнародным узроўні, значнае прасоўванне праз актыўнасць, прадстаўленую на вэб-сайце Пагаднення;
• Магчымае прыцягненне праз мясцовыя ўлады фінансавання з міжнародных фінансавых устаноў і донараў
• Абмен вопытам з іншымі ўдзельнікамі
• Навуковы і тэхнічны водгук на распрацаваныя інструменты і методыкі;
• Удзел у спецыяльных дыскусійных групах, семінарах і іншых платформах па абмене вопытам.
• Кансалідацыя тэрытарыяльнага развіцця, ўзмацненне ролі органаў мясцовага кіравання.