У якасці мясцовага самакіравання

Хто мае права ўдзельнічаць?

Пагадненне мэраў адкрыта для ўсіх мясцовых органаў самакіравання, якія складаюцца з абраных дэмакратычным шляхам прадстаўнікоў, незалежна ад памеру і этапу ўкаранення палітыкі па энергетыцы і клімаце.

Як далучыцца?

Каб далучыцца да гэтай ініцыятывы, мясцовыя ўлады павінны ажыццявіць наступны працэс:

• Прадставіць Пагадненне мэраў у муніцыпальны савет;
• Гарантаваць, што афіцыйнае рашэнне падпісання Пагаднення было прынята саветам з афіцыйнай рэзалюцыяй;
• Прызначыць мэра або аналагічную асобу з гарадскога савета для падпісання формы далучэння;
• Накіраваць электроннае паведамленне ў офіс Пагаднення мэраў, каб праінфармаваць Камісію аб рашэнні далучыцца да ініцыятывы;
• Улічваць наступныя крокі, апісаныя ў паведамленні-пацверджанні, дасланым у гарадскі савет.

Калі можна далучыцца?

Мясцовыя органы самакіравання могуць падпісаць Пагадненне мэраў у любы час, бо няма ніякіх тэрмінаў. Цырымонія падпісання Пагаднення мэраў праходзіць штогод, на ёй прысутнічае вялікая колькасць мэраў, якія карыстаюцца перавагай публічнага падпісання.

Для чаго патрэбны ўдзел?

У мэраў, якія падпісалі Пагадненне мэраў, ёсць шматлікія прычыны для далучэння да гэтага руху, напрыклад:

• Атрымліваць дапамогу ў сваіх намаганнях, накіраваных на экалагічную, сацыяльную і эканамічную стабільнасць на сваіх тэрыторыях (даступныя энергетычныя паслугі, працоўныя месцы, больш здаровае асяроддзе і г.д.);
• Распрацоўваць новыя палітычныя, адміністрацыйная і фінансавыя магчымасці ў муніцыпалітэтах для вырашэння найважнейшых эканамічных, энергетычных і кліматычных праблем;
• Ствараць і ўзмацняць дынамічныя намаганні, накіраваныя на эканамічны рост і паляпшэнне якасці жыцця на сваёй тэрыторыі;
• Выкарыстоўваць заахвочванні і прыклады іншых піянераў;
• Абменьвацца з іншымі вопытам, набытым на сваёй тэрыторыі;
• Ствараць рэпутацыю сваёй тэрыторыі ў сферы развіцця мясцовай устойлівай энергіі;
• Атрымліваць перавагу інстытуцыйнай падтрымкі (ЕС, ўстаноў Усходняй Еўропы, Паўднёвага Каўказа і Цэнтральнай Азіі);
• Унасіць свой уклад у глабальнае скарачэнне выкідаў СО2.